الانطلاق من دائرة الراحة حتى دائرة النمو

كل واحد مننا في حياته بيعيش في ٤ دوائر 👇

💡 الأولى وهي دائرة الراحة Comfort بنعتقد فيها اننا بأمان علشان احنا بنمارس اللي معتادين عليه ومستقرين فيها لفترة كبيرة، لكن الحقيقة الاستقرار ده بيكون وهمي لإنك مع الوقت بتفقد ميزة التطور، وبتلاقي نفسك متأخر كتير.

💡 الدائرة الثانية وهي دائرة الخوف ودي بتحصل لما بنقرر نغامر ونخرج بره منطقة (دائرة الراحة) ونعمل حاجة جديدة، وهناك تبدأ المخاوف، الاعذار، التأثر بالاراء السلبية (أنت اللي خلاك تعمل كده؟؟!) وبنشعر بقلة الثقة بالنفس، ودي تعتبر مرحلة انتقالية للدخول في الدائرة الثالثة.

💡 الدائرة الثالثة وهي (دائرة التعلم) وفيها بنتعلم مهارات جديدة، ونكتسب خبرات ونتعامل مع التحديات والمشكلات بوعي أكبر، وهنا بقى منطقة الراحة بتتسع لتشمل المهارات والخبرات الجديدة 🍀💟

💡 الدائرة والمنطقة الأخيرة وهي (النمو) بنبدأ نستخدم المهارات والخبرات الجديدة في تحقيق الأهداف وتكوين الرؤى، وعيش الاحلام والوصول للنتائج 👌🏅🏆

كلنا تقريبًا بنمر على الدوائر دي 👆 الراحة والسكون في نفس المكان لفترة طويلة، وبعدين نشعر بالحاجة للتغيير، بناخد خطوات ولكن بخوف وكتير مننا بيرجع تاني لمنطقة الراحة، لكن اللي بيتحدى خوفه وبيستمر بيقدر يتعلم حاجات كتير جديدة وفي الوقت ده تتحقق الاحلام وتتجلى النتائج ⁦☺️⁩🏆

#mo7ammed_elbanna